नेपालमा थप ३५६ जनामा कोरोना भाइरस संक्रमण पुष्टि भएको छ ।
३ हजार २ सय ५९ जनाको पीसीआर परीक्षण गर्दा २८७ जना र ३ हजार १ सय २५ जनाको एन्टिजेन परीक्षण गर्दा ६९ जना गरी ३५६ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा कोरोना संक्रमितको कुल संख्या ९ लाख ८ हजार ९१० पुगेको छ ।
यस्तै बिहीबार ५१८ संक्रमित निको भएका छन् । योसँगै कोरोना संक्रमणमुक्त हुनेको संख्या ७ लाख ९३ हजार ७८९ पुगेको छ ।
पछिल्लो २४ घण्टामा कोरोना संक्रमणबाट २ जनाको मृत्यु भएको छ । हालसम्म कोरोना संक्रमणबाट ११ हजार ४३६ जनाको मृत्यु भएको छ ।
हाल देशभर ८ हजार ८९० जना सक्रिय संक्रमित छन् ।
बिहीबार काठमाडौंमा ८४, ललितपुरमा ३४, मोरङमा २३, सुनसरी र भक्तपुरमा १९÷१९ जना, रुपन्देहीमा १७ र कास्कीमा ११ जना संक्रमित थपिएका छन् ।
