पछिल्लो २४ घण्टामा १४३ जना कोरोना भाइरसका सङ्क्रमित थपिएका छन् ।
एक हजार ९८० जनामा आरटीपीसीआर परीक्षण गरिएकोमा १४१ जना र ३५२ जनाको आरडीटी परीक्षण गर्दा २ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
पछिल्लो २४ घण्टामा ५६३ जना कोरोनामुक्त भएका छन् । नेपालमा कोरोना सङ्क्रमणमुक्त हुने दर ९७.७ प्रतिशत रहेको छ ।
आइतबार ९ जना सङ्क्रमितको मृत्यु भएको छ । योसँगै नेपालमा कोरोनाबाट ज्यान गुमाउनेको सङ्ख्या ११ हजार ४४८ पुगेको छ ।
हाल ७ हजार ७१३ जना सक्रिय सङ्क्रमित रहेको स्वास्थ्य मन्त्रालयले जनाएको छ ।
