कमेडी रियालिटी शो ‘कमेडी च्याम्पियन २’का फस्ट रनर अप विक्की अग्रवाललाई मातृशोक परेको छ । उनको आमा दुर्गा अग्रवालको सोमबार काठमाडौंमा निधन भएको हो ।
विक्कीको भनाई उदृत गर्दै पत्रकार प्रभात लामाले जनाए अनुसार उनको आमालाई मधुमेह र कम रक्तचापको समस्या थियो । उनी छोरालाई भेट्नकै लागि सिक्किमबाट भाइटीकाको अघिल्लो दिन काठमाडौं आइपुगेकी थिइन् ।
दुर्गाको निधनको खबर थाहा पाएपछि विक्कीका बुवा र दाजु सिक्किमबाट मंगलबार काठमाडौं आइपुगेका थिए । उनीहरुले दुर्गाको शवलाई दाहसंस्कार गर्न सिक्किम लिएर गएका छन् ।
