मलद्वारमा सुन लुकाएर ल्याउने एक विदेशी नागरिक पक्राउ परेका छन् ।
पक्राउ पर्नेमा बुधबार बिहान फ्लाई दुबईको विमानबाट काठमाडौं आएका भारतीय नागरिक महोम्मद जुहेब रहेका छन् । उनलाई प्रहरीले त्रिभुवन अन्तर्राष्ट्रिय विमानस्थलबाट आधा किलो (५४५ ग्राम) अवैध सुनसहित पक्राउ गरेको हो ।
उनले मलद्धारमा लुकाएर सुन ल्याएका थिए । दिसा गर्न लगाएर मलद्धारमा लुकाएर ल्याएको सुन निकालिएको थियो ।
प्रहरी स्रोतले भन्यो, ‘उनका गतिविधि शंकास्पद देखेपछि चेकजाँच गर्दा आधा किलो सुन भेटियो । हिँड्दै गरेका जुहेबको अवस्था शंकास्पद थियो । मलद्वारमा सुन लुकाएर ल्याएको थाहा भएपछि चिया बिस्कुट खुवाइर दिसा गर्न लगाएर सुन निकालियो ।’
यस विषयमा प्रहरीले अनुसन्धान भइरहेको जनाएको छ ।
