सर्वोच्च अदालतका प्रधानन्यायाधीश चोलेन्द्रशम्शेर जबराले वार्ताका लागि आह्वान गरेको प्रस्ताव नेपाल बारले अस्वीकार गरेको छ ।
सोमबार एक विज्ञप्ति जारी गर्दै प्रधानन्यायाधीश जबराले वार्ताका लागि आह्वान गरेका थिए ।
सम्बन्धित समाचारः
सुटुक्क अदालत छिरेका जबराले भने— विग्रहको बाटो छोडी संवादको मार्ग रोजौँ
जबराको विज्ञप्तिलगत्तै बारले पत्रकार सम्मेलन गर्दैै वार्ताका लागि आह्वान गरेको प्रस्ताव अस्वीकार गरेको हो । बारले वार्ता नगर्ने उल्लेख गर्दै जबरालाई राजीनामा दिन आग्रह गरेको छ ।
कानून व्यवसायीहरूको प्रदर्शनको बाबजुद सोमबार पनि प्रधानन्यायाधीश जबरा सर्वोच्च अदालतभित्र प्रवेश गरेका थिए । उनी एक नम्बर गेट प्रयोग गरेर सर्वोच्च अदालतभित्र प्रवेश गरेका हुन् । एक नम्बर गेटमा प्रहरीले कानून व्यवसायीहरूलाई धर्ना दिन रोक लगाएको छ ।
कानून व्यवसायीहरू अर्को मुख्य गेटमा धर्नामा बसेका छन् ।
कानून व्यवसायीहरूले मूल गेटमा धर्ना दिएपछि गत शुक्रबार आइतबार पनि प्रधानन्यायाधीश जबरा वैकल्पिक गेटबाटै सर्वोच्चभित्र प्रवेश गरेका थिए ।
