बलिउड अभिनेता अक्षय कुमार र मानुषी छिल्लरको फिल्म पृथ्वीराजको ट्रेलर रिलिज भएको छ ।
पृथ्वीराज फिल्मको ट्रेलरको सबैले लामो प्रतिक्षा गरेका थिए । रिलिज हुनेबित्तिकै ३ घण्टामा ट्रेलरले १५ लाखभन्दा बढी भ्युज पाएको छ ।
ट्रेलर पृथ्वीराजको परिचयबाट सुरु गरिएको छ । योसँगै सोनु सदु, मानुषी, अक्षय र सञ्जय दत्त सबैको लुकको झलक पनि देखाइएको छ ।
डा. चन्द्रप्रकाश द्धिवेदीले उक्त फिल्मको निर्देशन गरेका हुन् । सन् २०१७ मा मिस वल्र्डको उपाधि जितेकी मानुषी संयोगिताको भूमिकामा देखिनेछन् । मानुषी यही फिल्मबाट बलिउडमा डेब्यु गर्दैछन् ।
उक्त फिल्म जनवरी २१ मा प्रदर्शन हुनेछ ।
सन् २०१९ मा नै उक्त फिल्म बनाउने घोषणा गरिएको थियो । कोरोना महामारी अघि केही भागको सुटिंग भइसकेको थियो तर महामारी बढ्दै गएकाले लकडाउनका कारण सुटिंग स्थगित भएको थियो ।
