सर्लाहीको बाँके जङ्गलमा सोमवार मध्यराति भएको मोटरसाइकल दुर्घटनामा दुई जनाको मृत्यु भएको छ ।
सोमवार राति साढे ११ बजेतिर ईश्वरपुर नगरपालिका–१२, घारिबथानस्थित भित्री सडक खण्डमा घारिबथानबाट बाँके चौकतर्फ आउँदै गरेको मोटरसाइकल आफैँ अनियन्त्रित भई सडक छेउको रुखमा ठोक्किएर दुर्घटना भएको हो ।
उक्त दुर्घटनामा घारिबथाननैका मोटरसाइकल चालक २२ वर्षीय सुरज मुर्मछान मगर र पछाडि सवार २० वर्षीय मुकेश आले मगरको मृत्यु भएको प्रहरीले जनाएको छ । दुर्घटनामा परेका दुवै युवकले अत्यधिक मदिरा सेवन गरेको प्रहरीले जनाएको छ ।
