प्रधानन्यायाधीश चोलेन्द्रशम्शेर जबराको राजीनामा माग्दै आन्दोलन गरिरहेका कानून व्यवसायीमाथि प्रहरीले बल प्रयोग गरेको छ ।
कानून व्यवसायीमाथि प्रहरीले बल प्रयोग गरेपछि सर्वोच्च अदालतको स्थिति तनावपूर्ण बनेको छ ।
सर्वोच्च बारका सचिव ऋषिराम घिमिरे, बरिष्ठ अधिवक्ता सविता भण्डारीलगायतमाथि प्रहरीले हातपात गरेको भन्दै कानून व्यवसायी झन् आक्रोशित भएका छन् ।
बिहिबार प्रधानन्यायाधीश छिर्ने अर्को गेटमा कानुन व्यवसायी जाने क्रममा प्रहरीले बल प्रयोग गरेको थियो । सो क्रममा बल प्रयोग गरेर प्रधानन्यायाधीश छिर्ने गेटतर्फ अगाडि बढेका कानुन व्यवसायीलाई प्रहरीले रोकेको थियो ।
