पर्सा जिल्लाको छिपहरामाई गाउंंपालिकामा प्रहरीले एकैजना व्यक्तिबाट १ हजार ३ सय ५० सान लागुऔषध(ड्रग्स) बरामद गरेको छ ।
छिपहरामाई गाउंपालिका वडा नं.४ स्थित बन्जारी पुल नजिक भिष्वा प्रहरी चौकिबाट खटिगएको प्रहरीको टोलीले शनिवार राति पर्साकै धोविनी गाउँपालिका वडा नं.२ आसवाका २६ वर्षिय दिवाकर कुमार साहबाट उक्त मात्राको ड्रग्स बरामद गरेको हो ।
बिशेष सुराकिको आधारमा गएको प्रहरी टोलिले भारतिय सिमाबाट नेपाल आउंदै गरेका साहको भातिय नम्बरको मोटरसाईकल खानतलाशि गर्दा उपरोक्त मात्राको ड्रग्स बरामद भएको जिल्ला प्रहरी कार्यालय पर्साले जनाएको छ ।
बरामद गरिएको ड्रग्सहरुमा प्रतिबन्धित नुफ्रिन ४५० एम्पुल, डाइजोपाम ४५० एम्पुल र प्रोमिफाइजाम हाईड्रोकोलोराइड ४५० एम्पुल गरी जम्मा १ हजार ३ सय ५० थान रहेको छ ।
पक्राउ गरिएका साहलाई नियन्त्रणमा लिई लागुऔषध सम्बन्धी कसूरमा अनुसन्धान अगाडि बढाइएको पर्सा प्रहरीका प्रवक्ता डिएसपि ओमप्रकाश खनालले जनाए ।
