लम्कीचुहा नगरपालिका–१ का २३ वर्षीय भुपेन्द्र बडुवालको हत्या गरेको आरोपमा थप एकजना पक्राउ परेका छन् ।
पक्राउ पर्नेमा लम्कीचुहा नगरपालिका–३ चिसापानी बस्ने १९ वर्षीय मदन शाही रहेका छन् । उनलार्ई जिल्ला प्रहरी कार्यालय सुनसरीको समन्वयमा सुनसरीको धरान उपमहानगरपालिका–४ बाट पक्राउ गरिएको जिल्ला प्रहरी कार्यालय कैलालीले जनाएको छ ।
बडुवाल कार्तिक २३ गते टिकापुर नगरपालिका–१ मा धारिलो हतियार प्रयोग गरी हत्या गरिएको थियो । त्यसपछि शाही फरार भएका थिए ।
घटनाबारे थप अनुसन्धान भइरहेको प्रहरीले जनाएको छ ।
