बलिउड चलचित्र सूर्यबंशी रिलिज भएको दुई साता पूरा भए पनि दर्शकको मन अझैं जितिरहेको छ ।
रोहित शेट्टीको निर्देशनमा बनेको यो एक्सन फिल्मले दर्शकको अत्याधिक माया पाएको छ । बक्स अफिस कलेक्शनमा यो फिल्मप्रति दर्शकको माया प्रष्ट देखिन्छ । फिल्मले रिलिज भएको १७ औँ दिनमा वल्ड वाइड बक्स अफिस २६६.६ करोड कमाउन सफल भएको छ ।
सूर्यवंशी फिल्मको भव्य उदघाटन नोभेम्बर ५ मा भएको थियो । लामो समयदेखि बन्द रहेको थिएटर खुलेपछि फ्यानसहरु उत्साहित पनि भएका छन् ।
फिल्मले पहिलो साता नै १९०.०६ करोड, दोस्रो साता ६६.६६ करोड र तेस्रो साताको पहिलो दिन ४.३१, दोस्रो दिन ५.२० करोडको व्यापार गरेको छ । फिल्ममा अक्षय कुमार र कट्रिना कैफ मुख्य भूमिकामा छन् ।
