प्रधानन्यायाधीशको पेशी तोक्ने अधिकार कटौती भएको छ ।
सर्वोच्च अदालतको संशोधित नियमावली सोमबार नेपाल राजपत्रमा प्रकाशित भएसँगै प्रधानन्यायाधीशको पेशी तोक्ने अधिकार कटौती भएको हो ।
सर्वोच्च अदालतको केही दिनअघि बसेको प्रधानन्यायाधीश चोलेन्द्रशम्शेर राणा अनुपस्थित ‘फूलकोर्ट’ बैठकले नियमावली संशोधन गरेर पेशी तोक्ने प्रधानन्यायाधीशको अधिकार कटौती गरेको थियो । साथै बैठकले गोलाप्रथाबाट पेशी तोक्ने निर्णय गरेको थियो ।
संशोधित नियमावलीको नियम २० मा लेखिएको छ, ‘अदालतमा दर्ता भएको मुद्दाको सुनुवाइको लागि इजलासको गठन र पेशी सूची निर्धारण गोला प्रक्रियाद्वारा हुनेछ ।’
अब राजपत्रमा नियमावली प्रकाशित भएपछि सर्वोच्चमा गोला प्रथाबाट पेशी तोकिनेछ । तर ‘फूलकोर्ट’ बैठक बसेर मात्रै लागू गर्ने तयारी छ ।
संशोधित नियमावली हेर्न यहाँ क्लिक गर्नुहोस्ः
