आज (बुधबार)पूर्वप्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ कैलाली जाने भएका छन् । भजनी नगरपालिका कार्यालयको भवन उद्घाटन र पार्टीका कार्यक्रमहरुमा सहभागी हुन अध्यक्ष प्रचण्ड कैलाली जान लागेका हुन् ।
अध्यक्ष प्रचण्डले भजनीमा भजनी नगरपालिका कार्यालयको नवनिर्मित भवनको उद्घाटन गरेपछि बौनियामा नेकपा माओवादी केन्द्रको बर्दगोरिया गाउँपालिका अधिवेशन सहभागी हुने कार्यक्रम रहेको नेकपा माओवादी केन्द्रले जनाएको छ ।
गाउँपालिका अधिवेशनको उद्घाटन गरेर उनी धनगढी जाने छन् । धनगढीमा प्रचण्डले माओवादीको सुदूरपश्चिम प्रदेश कमिटीको बैठकलाई सम्बोधन गर्ने र बुधबार बेलुकीनै काठमाडौँ फर्कने कार्य तालिका रहेको छ ।
