नेपालमा थप ३०८ कोरोना भाइरस संक्रमण थपिएका छन् ।
८ हजार ९०९ नमुना परीक्षण गर्दा सो संख्यामा संक्रमण पुष्टि भएको स्वास्थ्य मन्त्रालयले जनाएको छ ।
त्यस्तै, पछिल्लो २४ घण्टामा २८९ संक्रमित निको भएका छन् । योसँगै निको हुने संक्रमितको संख्या ९७.७ प्रतिशत पुगेको छ ।
बिहीबार ३ जना संक्रमितको मृत्यु भएको छ । योसँगै कोरोनाबाट मृत्यु हुनेको संख्या ११ हजार ५१६ पुगेको मन्त्रालयले जनाएको छ ।
हाल देशभर ७ हजार ३३९ सक्रिय संक्रमित छन् ।
