युनिभर्सिटी क्यानडा वेष्ट (यूसीडब्लू) ले नेपाली विद्यार्थीहरुका लागि २० हजार क्यानडीयन डलरसम्मको छात्रवृत्ति घोषणा गरेको छ ।
बिहीबार काठमाडौंको होटल एभरेष्टमा एक कार्यक्रम कार्यक्रमको आयोजना गर्दै यूसीडब्लूकी दक्षिण एसिया क्षेत्रीय निर्देशक नटचया विरावाटले नेपाली विद्यार्थीहरुका लागि २० हजार क्यानडीयन डलरसम्मको छात्रवृत्ति घोषणा गरेको जानकारी दिइन् ।
कार्यक्रममा उनले यूसीडब्लूको बारेमा जानकारी दिँदै नेपाली विद्यार्थीका लागि क्यानडा आफैंमा आकर्षक गन्तव्य भएपनि यूसीडब्लूको शैक्षिक कार्यक्रमहरुले विद्यार्थीलाई थप सहजता प्रदान गर्ने दाबी गरिन् ।
उनले शैक्षिक कार्यक्रमबारे स्पष्ट पार्दै भनिन्, ‘यस विश्वविद्यालयमा पढ्न आउने विद्यार्थीहरूले गुणस्तरीय शिक्षा हासिल गर्नेमा कुनै शंका छैन ।’
नेपाल प्रतिनिधि नेत्र कोइरालाले शैक्षिक परामर्श व्यवसायीलाई सम्बोधन गर्दै यूसीडब्लूमा विद्यार्थीहरु पठाउँदा विद्यार्थीको शैक्षिक जीवन उत्कृष्ट हुने बताए । ‘निर्धक्क भएर विद्यार्थी पठाउनुस्’, उनले भने, ‘शैक्षिक गुणस्तरको बारेमा कुनै शंका गर्नुपर्दैन ।
कार्यक्रममा नेपाल शैक्षिक परामर्श संघ (ईक्यान)का अध्यक्ष प्रकाश पाण्डेलगायत शैक्षिक परामर्श व्यवसायीहरुको सहभागिता थियो ।
