कैलालीमा ट्रकको ठक्करबाट एक महिलाको मृत्यु भएको छ । जिल्लाको लम्की बजारमा ना२ख ९३७० नम्बरको ट्रकले ठक्कर दिदाँ टीकापुर नगरपालिका वडा नम्बर २ की ४० वर्षीया गोमा थापाको मृत्यु भएको प्रदेश ट्राफिक प्रहरी कार्यालय अत्तरियाले जनाएको छ ।
ट्रकको ठक्करबाट महिलाको घटनास्थलमै मृत्यु भएपछि उनको मृत्यु भएपछि दोषीलाई कारबाही तथा क्षतिपूर्तिको माग राख्दै आक्रोशित स्थानीयले राजमार्ग अवरुद्ध पारेका थिए। भने आक्रोसित स्थानीयले ट्रकमा आगजनी गरेका थिए। भिड नियन्त्रण गर्न प्रहरीले अश्रुग्यास प्रहार गरेको थियो ।
तर साँझ भने घटनास्थलमै रहेको मृतकको शव उठाउन दिइएको छ। उनको शव पोस्टमार्टमका लागि टीकापुर अस्पताल लगिएको प्रदेश ट्राफिक कार्यालय अत्तरियाले जनाएको छ। शव उठाइएपछि ५ घण्टादेखि अवरुद्ध राजमार्ग पनि खुलेको ट्राफिक कार्यालयले बताएको छ। ट्रक चालकलाई प्रहरीले नियन्त्रणमा लिइसकेको छ।
