सौराहमा जारी नेकपा (एमाले)को १०औँ राष्ट्रिय महाधिवेशनबाट नयाँ नेतृत्व चयन भएको छ ।
सार्वजनिक मतपरिणामअनुसार अध्यक्षमा केपी शर्मा ओली विजयी भएका छन् । उनले १८४० मत ल्याउँदै अध्यक्षका अर्का उम्मेदवार डा.भीम रावललाई पराजित गरे । रावलले २२३ मत मात्रै पाए ।
उपाध्यक्षमा अष्टलक्ष्मी शाक्य, सुरेन्द्र पाण्डे, सुवास नेम्बाङ, विष्णु पौडेल, युवराज ज्ञवाली र रामबहादुर थापा बादल विजयी हुँदा घनश्याम भुसाल पराजित भए ।
सचिवमा गोकर्ण विष्ट, योगेश भट्टराई, पद्मा अर्याल, छविलाल विश्वकर्मा, लेखराज भट्ट, टोप बहादुर रायमाझी र रघुविर महासेठ विजयी भए । भिम आचार्य र टंक कार्की सचिवमा पराजित भए ।
अध्यक्ष
केपी शर्मा ओली –१८४० (विजयी)
भिम बहादुर रावल –२२३
उपाध्यक्षः
अष्टलक्ष्मी शाक्य– १९७६ (विजयी)
सुरेन्द्र पाण्डे– १९२५ (विजयी)
सुवास नेम्बाङ –१८६५ (विजयी)
विष्णु पौडेल– १८५६ (विजयी)
युवराज ज्ञवाली– १८४२ (विजयी)
रामबहादुर थापा बादल– १७६८ (विजयी)
घनश्याम भुसाल–७२५
सचिवः
गोकर्ण विष्ट– १९७६ (विजयी)
योगेश भट्टराई –१९६४ (विजयी)
पद्मा अर्याल –१८०० (विजयी)
छविलाल विश्वकर्मा– १८०० (विजयी)
लेखराज भट्ट– १७०४ (विजयी)
टोप बहादुर रायमाझी–१७०० (विजयी)
रघुविर महासेठ– १५१३ (विजयी)
भिम आचार्य– १३००
टंक कार्की–५००
महाधिवेशनमा दुई हजार ९६ जनाले मतदान गरेका थिए । एमाले महाधिवेशनमा दुई हजार १५३ जना प्रतिनिधि सहभागी थिए । महाधिवेशनअन्तर्गत विभिन्न ५० पदका लागि मतदान भएको थियो ।
महाधिवेशनमा अध्यक्ष, उपाध्यक्ष, सचिवसहित केन्द्रीय सदस्यहरुका लागि मतदान गरिएको थियो । खुला केन्द्रीय सदस्य, खुला महिला केन्द्रीय सदस्यसहित केही समावेशी पदमा मतदान भएको थियो ।
खुला केन्द्रीय सदस्य, खुला महिला केन्द्रीय सदस्यसहित केही समावेशी पदको मतपरिणाम सार्वजनिक हुन बाँकी छ ।
