तामाकोसी गाउँपालिका–२ झुलेमा एकै परिवारका ३ जना मृत अवस्थामा फेला परेका छन् ।
मृत फेला पर्नेमा २७ वर्षीय श्याम तामाङ, उनकी २५ वर्षीया श्रीमती अम्बिका र ५ दिने नाबालक छोरा रहेका छन् ।
बुधबार बिहान घरमा कोही नउठेपछि छिमेकीले बोलाउन जाँदा उनीहरू मृत अवस्थामा फेला परेका थिए ।
जिल्ला प्रहरी कार्यालय दोलखाका डिएसपी भेषराज रिजालले घटनास्थलमा जिल्ला प्रहरी कार्यालयको टोली पुगेर अनुसन्धान गरिरहेको बताए ।
५ दिनकी सुत्केरी श्रीमती र नाबालक छोरालाई न्यानो बनाउन कोइला बालेर सुतेका उनीहरूको धुँवाले निसास्सियर मृत्यु भएको हुनसक्ने प्रहरीको अनुमान छ ।
