सामाजिक अभियन्ता सरोज रायको पहलमा भारतबाट ६ जना नेपाली किशोरको उद्धार गरिएको छ । उद्धार गरिएका सबै किशोरहरु सर्लाहीका डोम समुदायका हुन् ।
गएको कार्तिक महिनामा ६ जना किशोरहरु कामको शिलशिलामा गुजरात जाँदै गर्दा नेपाल–भारत सिमा सोनबर्षामा भारतीय प्रहरीले पक्राउ गरेको थियो ।
उनीहरूलाई गुजरात लगिरहेको अवस्थामा एजेन्टसहित भारतीय प्रहरीले पक्राउ गरेको थियो ।
सबै किशोरहरुलाई सीतामढी स्थित बालगृहमा राखिएको थियो । तीमध्ये २० वर्षीय युवकलाई पहिले नै बालगृहले छाडेको थियो भने अन्य पाँच किशोर १६ दिनपछि नेपाल फर्केका हुन् । एजेन्ट अहिले पनि भारतीय प्रहरीको हिरासतमा रहेका छन् ।
उद्धार गरिएको किशोरहरुमा चंद्रघट्टा गाउँपालिकाका अजय माली, रबिन्द्र माली र राजकरण माली तथा हरिपुर नगरपालिकाको राधे माली र कबलासी नगरपालिकाको रोशन माली रहेका रहेका छन् ।
सामाजिक अभियन्ता रायले विगत दुई वर्षमा भारतबाट करिव १७० बालबालिकाको उद्धार गरिसकेका छन् ।
