राष्ट्रिय प्रजातन्त्र पार्टीको नयाँ नेतृत्व चयनका लागि २ सय ६४ जनाले उम्मेदवारी दर्ता गराएका छन् ।
निर्वाचन समितिले अहिले भर्खरै उम्मेदवारी दर्ता गराएका उम्मेदवारको नामावली सार्वजनिक गरेको छ ।
राप्रपाको १४९ सिटका लागि २६४ जनाको उम्मेदवारी दर्ता भएको निर्वाचन समितिले बतायो ।
भोलि हुने निर्वाचनमा अध्यक्ष सहित ८ जना पदाधिकारी र १ सय ४१ जना सदस्यहरुको निर्वाचन हुनेछ ।
१ सय ४९ पदका लागी हुने निर्वाचनमा पदाधिकारीहरुको निर्वाचन मतपत्रबाट र अन्य उम्मेदवारको निर्वाचन विद्युतीय मेसिनबाट हुने निर्वाचन समितिले जनाएको हो ।
अध्यक्ष पदमा कमल थापा र राजेन्द्र लिङ्देनले उम्मेदवारी दिएका छन भने ४ जना उपाध्यक्षका लागि जगतप्रसाद गौचन, रामचन्द्र राय यादव, लिला देवी श्रेष्ठ, विक्रम पाण्डे, रोशन कार्की, ध्रुवबहादुर प्रधान, बुद्धिमान तामाङ र दुर्गादेवी झा गरी ८ जनाले उम्मेदवारी दर्ता गराएका छन ।
त्यस्तै ३ जना महामन्त्री पदका लागी लागि रेखा थापा, डा.धवल शमशेर राणा, श्यामप्रसाद तिमल्सिना, भुवनकुमार पाठक, भास्कर भद्रा र कुन्तीकुमारी शाही गरी ६ जनाले उम्मेदवारी दर्ता गराएका छन् ।
