राष्ट्रिय प्रजातन्त्र पार्टी (राप्रपा)को नयाँ नेतृत्व चयनका लागि मतदान भृकुटीमण्डपमा जारी छ ।
अध्यक्ष पदका प्रत्यासीद्वय कमल थापा र राजेन्द्र लिङ्देनले सुरुमा मतदान गरेर निर्वाचन सुरु गरेका थिए ।शनिबार बिहान ८ बजे सुरु हुने भनिएको मतदान दिउँसो १२ बजेदेखि सुरु भएको हो ।
अध्यक्ष पदमा विद्युतीय मेसिन र अन्य पदमा मतपत्र प्रयोग गरिएको छ ।
राप्रपाको नेतृत्व लिन प्यानलसहित वर्तमान थापा र महामन्त्री लिङ्देन चुनावी मैदानमा छन् । मतदानबाट अध्यक्ष, चार उपाध्यक्ष, तीन महामन्त्री र १४१ जना केन्द्रीय सदस्य चयन हुनेछन् ।
राति १० बजेसम्म मतदान सकेर १ बजे मतपरिणाम सार्वजनिक गरिने निर्वाचन समितिले जनाएको छ ।
