किशोर–किशोरीहरुको राष्ट्रिय भेला काठमाडौंमा सम्पन्न भएको छ । सातै प्रदेशका किशोर–किशोरीहरुका प्रतिनिधिहरु सम्मिलित भेलाले बिभिन्न मुद्दाहरुमा छलफल गरी उनिहरुको सर्वाङिक बिकाशकालागी गर्नुपर्ने मुद्दाहरु सम्बोधनका निम्ती सम्बन्धित निकायलाई दवाव दिएका छन् ।
भेलाले देशका करिब ६० लाख किशोर–किशोरीहरुको सम्मान, शसक्तिकरण, समावेशिता र स्वावलम्बलका बिषयमा सरकारी पक्षले ठोस निति बनाउनुर्पे निष्कर्ष निकालेको थियो ।
राजनितिक, सामाजिक र आर्थिक सवलिकरणकालागी किशोर–किशोरीहरुको सहभागिता महत्वपुर्ण रहेकोले त्यसलाई व्यवहारिक रुपमै अभ्यासमा ल्याउन सहभागि सातै प्रदेशका अगुवा किशोर–किशोरीहरुले माग गरेका थिए ।
सिवन नेपालको आयोजनामा भएको भेलामा महिला, बालबानिका तथा ज्येष्ठ नागरिक मन्त्रालयका उपसचिव शान्तिराज प्रसाईले किशोर–किशोरीहरुका समस्या र उनको उत्थानकालागी मन्त्रालय लागिपरेको बताए ।
राष्ट्रिय योजना आयोगका सुसासन तथा सामाजिक बिकाश समितिका प्रमुख डा. किरण रुपाखेतीले सरकारको नितिमै किशोर–किशोरीहरुका आवयक्ताहरुलाई कार्यक्रम बनाएर सम्बोधन गर्न राष्ट्रिय योजना आयोग प्रतिबद्ध रहेको बताए ।
सिबिन नेपालकी प्रमुख सुम्निमा तुलाधारले किशोर–किशोरीहरुका लागि आफुहरुले बिभिन्न क्रियाकलापहरु गरिरहेको र उनिहरुको क्षमता बिकाशका लागि अझै लागिपर्ने बताईन । उनले सरकारको सहयोगमा देशैभर सिविन बालगृह सञ्चालन गरिरहेको समेत बताईन ।
कार्यक्रममा सिन्धुलिको कमलामाई नगरपालिकाको एक दिनको मेयर बनेर किशोर–किशोरीहरुका लागि उदहारणिय कार्य गरेको तथा कोरोना माहामारीको बेला समेत उनिहरुको बिकाशका निम्ति प्रभावकारी कार्य गरेको भन्दै स्वस्तिका बख्रेल लगायतका लाई सम्मान गरिएको थियो ।
कार्यक्रममा ७ वटै प्रदेशका किशोर–किशोरीहरुले आफ्नो प्रदेशमा किशोर–किशोरीहरुको सवालमा भएका समस्याहरुको बारेमा बताएका थिए ।
