कांग्रेस सभापतिको साझा उम्मेदवार छान्न संस्थापन इतरपक्षको बैठक सुरू भएको छ ।
बैठक सभापतिका आकांक्षीसमेत रहेका नेता प्रकाशमान सिंहको चाक्सीवारीस्थित निवासमा अहिले बैठक बसिरहेको छ ।
बैठकमा नेता रामचन्द्र पौडेल, महामन्त्री डा. शशांक कोइराला, कोषाध्यक्ष सीतादेवी यादव, प्रकाशमान सिंह, डा.शेखर कोइराला, बलबहादुर केसी, महेश आचार्य, दीपक गिरी, हृदयराम थानी, डा. मिनेन्द्र रिजाल, चन्द्र भण्डारी, रामकृष्ण यादवलगायत उपस्थित छन् । साथै, उक्त समूहका केन्द्रीय सदस्य पनि सहभागी छन् ।
संस्थापन इतरपक्षबाट वरिष्ठ नेता पौडेल, महामन्त्री कोइराला, पूर्वमहामन्त्री सिंह र नेता डा. शेखर कोइराला सभापतिका आकांक्षी छन् ।
उक्त समूहमा सभापतिका आकांक्षी धेरै भएपछि कसलाई उम्मेदवार बनाउने भन्नेबारे छलफल भइरहेको छ ।
