नेपाली राष्ट्रिय क्रिकेट टिमको मुख्य प्रशिक्षकमा पुबुदु दासानायके नियुक्त भएका छन् ।
नेपाल क्रिकेट संघको शनिवार बिहान बसेको बोर्ड बैठकले दासानायकेलाई नियुक्त गर्ने निर्णय गरेको हो ।
यस अघि उनी सन् २०११ देखि २०१५ सम्म नेपालको मूख्य प्रशिक्षक थिए ।
मूख्य प्रशिक्षक पुबुदुलाई क्यानले मासिक करिब १२ हजार डलर पारिश्रमिक दिने र पुबुदु डिसेम्बर २० तारिख भित्र नेपाल आइपुग्ने बताइएको छ । त्यसपछि नेपाली क्रिकेट टिमले बन्द प्रशिक्षण सुरु हुनेछ ।
उनको प्रशिक्षण कालमा नेपालले २०१४ मा टि–ट्वान्टी विश्वकप खेलेको थियो । डिभिजन–४ मा रहेको नेपाली टिमलाई दासानायेकेले डिभिजन–२ हुँदै एकदिवसीय विश्वकप छनोट तथा विश्व क्रिकेट लिग च्याम्पियनसिप सम्म पुर्याएका थिए ।
