नेपाली कांग्रेसको १४औँ महाधिवेशनका लागि आज भएको निर्वाचनमा अहिलेसम्म १३६५ मत खसेको छ ।
सोमबार बिहान साढे ११ बजेदेखि सुरु भएको मतदानमा अहिलेसम्म १३६५ मत खसेको निर्वाचन समितिले जनाएको छ ।
राष्ट्रिय सभागृहमा रहेको मतदान केन्द्रमा ५१३, भृकुटीमण्डपभित्र रहेको मतदान केन्द्रमा ३५२ र भृकुटीमण्डपबाहिर रहेको मतदान केन्द्रमा ५०० मत खसेको निर्वाचन समितिले जनाएको छ ।
कांग्रेसमा नयाँ केन्द्रीय कार्यसमिति चयनका लागि ४७२३ जना महाधिवेशन प्रतिनिधिले मतदान गर्नेछन् ।
पार्टीको १४औँ महाधिवेशन अन्र्तगतको मतदानमा प्रधानमन्त्री शेरबहादुर देउवासहित नेताहरुले मतदान गरिसकेका छन् ।
मतदानमा सभापतिका अर्का प्रत्यासी प्रकाशमान सिंह, उपसभापतिका उम्मेदवारद्वय विजयकुमार गच्छदार र सुजाता कोइराला, नेता डा रामशरण महत, सुनिलबहादुर थापा, गृहमन्त्री बालकृष्ण खाँण, महिला बालबालिका तथा ज्येष्ठ नागरिकमन्त्री उमा रेग्मीलगायतले मतदान गरिसकेका छन् ।
अन्य नेता भने भोट हाल्न लामबद्ध भएका छन् । एकैपटक धेरैले मतदान गर्ने व्यवस्थाका लागि राष्ट्रियसभा गृहमा एक स्थानमा र भृकुटीमण्डपमा दुई स्थानमा व्यवस्था गरिएको छ ।
उम्मेदवारहरू मतदाता लाइनमा गएर भोग मागिरहेका छन् ।
