महानगरीय प्रहरी परिसर काठमाडौंका प्रमुख फेरिएका छन् ।
गृह मन्त्रालयले प्रहरी वरिष्ठ उपरीक्षक (एसएसपी) अशोक सिंहको भैरहवा विमानस्थल सुरक्षा कार्यालयमा सरूवा गरेर केन्द्रीय अनुसन्धान ब्युरोमा कार्यरत एसएसपी सुदीप गिरीलाई काठमाडौं प्रहरी प्रमुख बनाएको छ ।
उनी शुक्रबार महानगरीय प्रहरी परिसर काठमाडौंमा हाजिर भएका छन् ।
दुई महिनाअघि नै सिंहको काज सरूवा भए पनि एक वर्ष अवधि नपुगेको भन्दै रोकिएको थियो ।
