जनता समाजवादी पार्टी नेपाल (जसपा) अध्यक्ष उपेन्द्र यादवले फेरी नागरिक्ताको मुद्दा उठाएका छन् ।
देशमा निर्वाचनहरुको मिति नजिकिदै जाँदा मधेसी जनता लाई रिझाउन अध्यक्ष यादवले पुनः एक पटक सामाजिक सञ्जाल मार्फत नागरिक्ताको मुद्दा उठान गरेका हुन् ।
यादवले आफ्नो सामाजिक सञ्जालमा राज्यले लाखौ मधेसीहरुलाई नागरिक्ता नदिएको भन्दै नागरिक्ता नभएकै कारण निर्वाचन प्रक्रियामा सहभागि हुनबाट रोक्न नहुने बताएका छन् ।
सत्ता गठबन्धनको घटक समेत रहेको जसपाका अध्यक्ष यादवले नागरिक्ता समस्या समाधान गर्न गठबन्धनमा एकपटक पनी नबोलेर नागरिकहरुलाई देखाउनका लागि मात्र भएपनी मुद्दाको उठान गरेको मधेशका जानकारहरुले बताएका छन् ।
२०६३ सालमा जन्मका आधारमा नागरिक्ता लिएका नागरिकका सन्तानलाई सरकारले नागरिक्ता प्रदान नगर्दा हजारौं मधेसी युवा शिक्षा तथा रोजगार लगायतका शुविधाबाट बञ्चित छन् ।
आमा बुवा नेपाली भएतापनी छोराछोरी गैर नेपाली भएको अवस्थामा नागरिक्ता समास्याको निकाश आवश्यक देखिन्छ ।
वर्तमान सत्ता गठबन्धनको एक मुल घटक रहेका यादवले निर्वाचन प्रक्रियामा भागलिन पाउनु प्रत्येक नागरिकको नैसर्गिक अधिकार भएको बताउंदै नागरिकता प्रमाणपत्र बनाउनु र नागरिक हुनु दुबै फरक विषय भएको उल्लेख गरेका छन् ।
उनले जन्मसिद्ध नागरिकहरूका सन्तानलाई अझैसम्म राज्यले नागरिकता प्रमाणपत्र दिन सकेको बताउंदै निर्वाचन आयोगले नागरिकता प्रमाणपत्र नहुनेको नाम मतदातानमावलीमा समाबेश नगर्नु, मतदान गर्न पाउने अधिकारबाट बन्चित गर्नु तथा निर्वाचनको प्रक्रियामा सामेल हुन बाट रोक्ने कार्य गर्नु असम्बैधानिक तथा अन्तररास्ट्रिय कानून बिपरित भएको ठहर समेत गरेका छन् ।
