नेपाली कांग्रेस केन्द्रीय सदस्य (खुला महिलातर्फ) को मतगणना जारी छ ।
केन्द्रीय निर्वाचन समितिले दिएको जानकारीअनुसार हालसम्म २ हजार ६५ मतको गणना सकिएको छ ।
जसमा डा. डिला पन्त संग्रौलाले एक हजार २६८, पुष्पा भुसाल गौतमले एक हजार १९६, आरजु राणा देउवाले एक हजार ११६ र अम्बिका बस्नेतले ९९८ मत प्राप्त गरेकी छन् ।
खुला महिलातर्फ नौ जना केन्द्रीय सदस्यका लागि ३० जनाले उम्मेदवारी दिएका छन् ।
अहिलेसम्म ईश्वरी न्यौपानेले ९८५, सरिता प्रसाईले ९४९, रमा कोइरालाले ८१३, सुशीला ढकालले ७९४ र रङ्गमति शाहीले ७८० मत प्राप्त गरी ९ जनाभित्र गरेकी छन् ।
मतगणना साँझसम्ममा घोषणा हुनसक्ने जानकारी निर्वाचन समितिले दिएको छ ।
