नेपाली कांग्रेस प्रदेश २ को जनकपुरमा जारी अधिवेशनमा पाँचजना सदस्य पदका उम्मेदवार निर्विरोध भएका छन् ।
कांग्रेस प्रदेश निर्वाचन समितिले दिएको जानकारी अनुसार सदस्य पदमा पाँचजना निर्विरोध निर्वाचित भएका हुन् ।
निर्विरोध निर्वाचित हुनेहरुमा जिल्लागत रुपमा निर्वाचित हुने पदमा खुल्लबाट सप्तरीका आशाराम चौधरी निर्विरोध भएका छन् भने महिला सदस्यमा सप्तरीकी विमला देवी साह, महोत्तरीकी उषा देवकोटा र पर्साकी किरण कुमारी शर्मा निर्विरोध निर्वाचित भएका छन् ।
त्यस्तै आदिवासी जनजातिबाट मनमाया तामाङनी प्रदेश सदस्यमा निर्विरोध निर्वाचित भएकी प्रदेश निर्वाचन संयोजक प्रह्लाद गौतमले जानए ।
सभापती लगायत अरु पदाधिकारी तथा सदस्य पदको निर्वाचन आजै हुने जनाइएको छ ।
