नेपालमा थप १६७ जनामा कोरोना संक्रमण पुष्टि भएको छ ।पछिल्लो २४ घण्टामा ६ हजार ४४७ वटा स्वाब नमुनाको परीक्षण गरिएकोमा १६७ जनाको नतिजा पोजिटिभ आएको हो ।
चार हजार २८३ नमुनाको पीसीआर परीक्षण गर्दा १५७ र दुई हजार १६४ नमुनाको एन्टिजेन विधिबाट परीक्षण गर्दा १० जनामा संक्रमण देखिएको हो ।
पछिल्लो २४ घण्टामा कोरोनाका कारण देशभर एकजनाको मृत्यु पुष्टि भएको छ । योसँगै नेपालमा कोरोनाका कारण मृत्यु हुनेको संख्या ११ हजार ५८३ पुगेको छ ।
पछिल्लो २४ घण्टामा देशभर २२६ जना निको भएका छन् । योसँगै नेपालमा कोरोनामुक्त हुनेको संख्या आठ लाख १० हजार ४९७ पुगेको छ । हाल देशभर कोरोनाका सक्रिय संक्रमितको संख्या चार हजार ९७८ रहेको स्वास्थ्य तथा जनसंख्या मन्त्रालयले शनिबार जनाएको छ ।
