संयुक्त अरब ईमिरेट (युएई) मा जारी युथ–१९ एसिया कपमा सम्मिलीत नेपाली राष्ट्रिय टोलीका अलराउण्डर खेलाडी आदिल अंसारीलाई गृह जिल्लामा सम्मान गरिएको छ ।
दुबईबाट प्रतियोगिताबाट बाहिरिएर स्वदेश फर्किएपछी आज गृह जिल्ला बारा पुगेका खेलाडी अंसारीलाई कलैयामा कलैया क्रिकेट क्लबका पदाधिकारी तथा खेलाडीहरुले सम्मान गरेका हुन् ।
प्रतियोगितामा नेपालले कुनैपनी खेल नजिति खराब प्रदर्शन गरेपनी अंसारीले व्यक्तिगत रुपमा उच्च स्तरको प्रदर्शन गरेकोले उनलाई सम्मान गरिएको कलैया क्रिकेट क्लबका कोषाध्यक्ष सुभाश जैसवालले बताए ।
सिम्रौनगढ वडा नं.३ जोलाही स्थायी घर भएका अंसारी कलैया क्रिकेट क्लबमै आबद्ध रहेर नेपाली राष्ट्रिय टोलीमा परेका हुन् ।
काठमाडौंबाट कलैया फर्किएपछी उनलाई कलैया उपमहानगरपालिकाका मेयर राजेश यादवले स्वागत गरेका थिए ।
