गोरखामा मिनी ट्रक दुर्घटना हुँदा २ जनाको मृत्यु भएको छ ।
शुक्रबार आरुघाटबाट माछाखोलातर्फ जाँदै गरेको बा ५ ख ६५६६ नम्बरको ट्रक दुर्घटना हुँदा चालक र सह–चालकको घटनास्थलमै मृत्यु भएको हो ।
जिल्ला प्रहरी कार्यालयका प्रहरी नायब उपरीक्षक प्रकाश दाहालले मृतकको सनाखत भने हुन बाँकी रहेको बताए ।
दुर्घटनामा ट्रकमा सवार अन्य ४ जना घाइते भएका छन् । घाइते हुनेमा धार्चे गाउँपालिका ३ उहियाँका आशमान गुरुङ, सोही ठाउँकी २६ वर्षीया शरणी गुरुङ, २ वर्षीय सपना गुरुङ र वडा नम्बर ५ माछाखोलाकी १९ वर्षीया अस्मिता गुरुङ रहेका छन् । उनीहरुको स्थानीय माछाखोला स्वास्थ्य चौकीमा उपचार भइरहेको छ ।
उनीहरुलाई थप उपचारका लागि हेलिकप्टरमार्फत काठमाडौं पठाउने तयारी भइरहेको छ ।
