अमेरिकामा बसेर नेपाली गीत गायनमा सक्रिय गायिका सम्झना पाण्डेको गीत ‘नाचौं नाचाौं’ सार्वजनिक भएको छ । काठमाडौं बिहीबार आयोजित एक कार्यक्रममा कलाकार मदनकृष्ण श्रेष्ठले गीत सार्वजनिक गरे । डान्सिङ नम्बरको गीतमा गायिका सम्झनालाई गायक राजनराज शिवाकोटीले स्वरमा साथ दिएका छन् ।
गीतमा राजनराजकै शब्द तथा संगीत र राजन इसानको संगीत संयोजन छ । राहुल शाहको कोरियोग्राफी तथा निर्देशन रहेको भिडियोमा गम्भीर विस्ट,सम्झना पाण्डे, राहुल शाह, साइलेश विस्ट र कविता न्यौपाने फिचर्ड छन् । भिडियोमा हरी हुमागाईंको छायांकन, सुप्रिम पराजुलीको सम्पादन छ । भिडियो सम्झना पाण्डेको अफिसियल युट्युब च्यानलबाट सार्वजनिक गरिएको हो ।
पाण्डेको यसअघि चारवटा गीत सार्वजनिक भइसकेका छन् । कार्यक्रममा सम्झनाको अर्को गीतको भिडियो पनि देखाइइएको थियो । अनुप चापागाईको निर्देशनमा बनेको भिडियोमा सम्झना पाण्डे र शिशिर भण्डारी फिचर्ड छन् । भिडियोमा बुद्ध थापाको छायांकन, विकास दाहालको सम्पादन र केविका खत्रीको कोरियोग्राफी रहेको छ ।
