लघुवामा बस दुर्घटना हुँदा ७ जनाको मृत्यु भएको छ भने ८ घाइते भएका छन् ।
मृतकको सनाखत हुन बाँकी रहेको छ । दुर्घटनामा घाइते भएकाहरुलाई उपचार गर्न तानसेनस्थित मिसन अस्पतालमा पठाइएको लुम्बिनी प्रदेश ट्राफिक प्रहरी कार्यालय बुटवलका डीएसपी मोहन खांणले जानकारी दिए ।
बुटवलबाट गुल्मीको रिडीतर्फ जाँदै गरेको लु२ ख ७२७९ नम्बरको बस पाल्पाको लघुवामा केहीबेर अघि दुर्घटना भएको हो ।
बसमा ४० जना सवार रहेको र बस बाटोबाट करिब ५० मिटर तल खसेको इलाका प्रहरी कार्यालय हार्थोक पाल्पाले जनाएको छ ।
शव बोकेको बस दुर्घटनामा परेको हो । बसमा मलामीहरू थिए ।
उद्धारको काम भइरहेको र थप बिवरण आउन बाकी रहेको प्रहरीले जनाएको छ ।
