नेपालमा थप २१६ जनामा कोरोना संक्रमण पुष्टि भएको छ ।
७ हजार ६३१ नमुना परीक्षण गर्दा २१६ जनामा संक्रमण पुष्टि भएको स्वास्थ्य मन्त्रालयले जनाएको छ ।
पछिल्लो २४ घण्टामा २०९ जना निको भएका छन् । हालसम्म ९८ प्रतिशत संक्रमित निको भइसकेका छन् ।
यस्तै, पछिल्लोे २४ घण्टामा २ जना संक्रमितको मृत्यु भएको छ । योसँगै कोरोनाबाट मृत्यु हुने संक्रमितको संख्या ११ हजार ५९६ पुगेको मन्त्रालयले जनाएको छ ।
हाल देशभर ४ हजार ९७१ सक्रिय संक्रमित रहेका छन् ।
पछिल्लो २४ घण्टामा १ लाख ३३ हजार ८१२ जनाले कोरोनाविरुद्धको खोप लगाएका छन् ।
यसैबीच मन्त्रालयले कोरोना भाइरसको नयाँ भेरिएन्ट ओमिक्रोन फैलन नदिन आवश्यक सतर्कता अपनाउन सम्बन्धित निकायलाई आग्रह गरेको छ ।
