दक्षिण भारतीय स्टार अल्लु अर्जुन र रश्मिका मन्डन्नाको फिल्म ‘पुष्पा’ ले लगातार राम्रो कमाई गरिरहेको छ ।
१७ डिसेम्बरमा रिलिज भएको फिल्मले अहिलेसम्म बक्स अफिसमा ३ सय करोडको कलेक्सन गरिसकेको छ । फिल्म तेलुगु बाहेक हिन्दी , मलयालय , कन्नड भाषाहरुमा रिलिज भएको छ ।निर्देशक सुकुमारको निर्देशनमा बनेको यो फिल्म दक्षिण भारतका मात्र नभई हिन्दी भाषाका दर्शकले पनि उत्तिकै मनपराइरहेका छन् । फिल्मले हिन्दी भर्जनमा पनि निकै राम्रो कमाई गरिरहेको छ । हिन्दी संस्करणमा पुष्पाले ७५ करोड भन्दा बढी कमाई गरेको छ ।
