महोत्तरीमा पेस्तोलसहित एक जना पक्राउ परेका छन् । जिल्लाको लोहरपट्टी नगरपालिका ९ स्थित पिपराडीबाट सशस्त्र प्रहरीले सोही ठाउँ बस्ने २४ बर्षिय मोहमद राजा कवाडीलाई पक्राउ गरेको हो ।
उनको साथबाट मेडईन यू।एस।ए। लेखेको १ नाल पेस्तोल समेत बरामद गरेको छ । यस्तै ११ वटा नाईट्रोभेट ट्याब्लेट र १० गा्रम गाँजा समेत फेला पारेको सशस्त्र प्रहरीले जनाएको छ ।
पक्राउ परेका कवाडीलाई बरामद पेस्तोल तथा लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।
