कुलतमा परेर सर्वस्व समेत गुमाउनुपर्ने उदहारण काठमाडौंमा सोमवार घटेको एक घटनाले उजागर गरेको छ ।
सामान्य चिनजानको भरमा केटा साथीसंगै लागुऔषधी सेवन गरेकी २० वर्षिय युवतिले उनै युवकसंग पटक–पटक बलात्कृत भएपछी घटना बाहिर आएको हो ।
काठमाडौंको बुढानिलकण्ठ नगरपालिका वडा नं. ५ मा डेरा गरी बस्ने २८ वर्षिय मोरङ विराटचोक घर भएका बिनोद भण्डारीले ठेगाना नखुलेकी २० वर्षिय युवतिलाई सोमवार बलात्कार गरेको प्रहरीले जनाएको हो ।
भण्डारीले सोमवार साँझ बूढानीलकण्ठ नगरपालिका वडा नं.२ बाडेपाखास्थित खाली चौरमा ति युवतिलाई लागूऔषध सेवन गराई पटक–पटक बलात्कार गरेपछी घटना खुल्न गएको प्रहरीले जनाएको छ ।
काठमाडौं प्रहरीका अनुसार घटना भएको खबर प्राप्त हुनसांथ बुढानिलकण्ठबाट खटिगएको प्रहरीको टोलिले आरोपित भण्डारीलाई पक्राउ गरी थप अनुसन्धान गरिरहेको छ ।
