प्रहरीले ६ लाख ५४ हजार रकमसहित अवैध हुण्डीको कारोबारमा संलग्न दुई जना भारतीय नागरिकलाई पक्राउ गरेको छ ।
जिल्ला प्रहरी कार्यालय पर्सा मातहतको प्रहरी चौकी इनर्वाबाट खटिएको गस्ती टोलीले शंकराचार्य गेटमा नियमित चेकजाँचको क्रममा रक्सौलबाट वीरगंज तर्फ पैदल आउदै गरेका दुई जना भारतीय नागरिकलाई पक्राउ गरेको हो ।
पक्राउ पर्नेमा भारत पूर्व चम्पारण मोतिहारी निवासी ४८ बर्षिय जादोलाल साह र भारतकै छौडादानो मोतिहारी निवासी २८ बर्षिय बिगन साह रहेका छन् ।
उनिहरुलाई चेकजाँचको क्रममा शरीरमा लुकाई छिपाई राखेको श्रोत नखुलेको ६ लाख ५४ हजार नेपाली रुपैया बरामद गरिएको जिल्ला प्रहरी कार्यालय पर्साका प्रवक्ता एवं डिएसपी ओम प्रकाश खनालले बताए ।
अभियुक्तहरुलाई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा पर्सा जिल्ला अदालतबाट ५ दिनको म्याद थप गरी अनुसन्धान अगाडि बढाइएको खनालले बताए ।
