मकवानपुरमा ट्याक्टर दुर्घटनामा परि २ जना मृत्यु भएको छ ।
बुधबार दिउँसो कान्तिलोकपथ अन्तर्गत मकवानपुरको बकैया गाउँपालिका–११ स्थित सिमातमा ट्याक्टर दुर्घटना हुँदा २ जनाको मृत्यु भएको जिल्ला प्रहरी कार्यालय मकवानपुरले जनाएको छ ।
बुधबार ठिंगनबाट हेटौंडा तर्फ आईरहेको ना ४ त ६०७५ नम्बरको ट्याक्टर सडकबाट करिब २ सय ५० मिटर तल खसेर दर्घटना भएको जिल्ला प्रहरी कार्यालय मकवानपुरका निमित्त प्रवक्ता प्रहरी निरिक्षक राजकुमार सापकोटाले जानकारी दिए ।
मृतकमध्ये एकको साथबाट फेला परेको चालक अनुमतिपत्रको आधारमा कैलाली, सेतीलालपुर–६ घरभए भएका आम्दाजी २८ बर्षीय मिन बहादुर बुढा मगर रहेको र अर्का एक जनाको सनाखत हुन बाँकी रहेको उनले बताए ।
मृत्युक दुवै जनाको शव हेटौंडा अस्पतालमा राखिएको र सम्बन्धीत पक्षलाई खबर गरिएकोमा उनिहरु हुँदा भोली मात्र आउनु हुने भएकाले भोलीमात्र सनाखत हुन सक्ने सापकोटाले जानकारी दिए ।
