नेपालमा थप ५४० जना कोरोना भाइरस संक्रमित थपिएका छन् ।
१२ हजार ९९ नमुना परीक्षण गर्दा ५४० जनामा संक्रमण पुष्टि भएको स्वास्थ्य मन्त्रालयले जनाएको छ ।
पछिल्लो २४ घण्टामा २७१ संक्रमित निको भएका छन् । हालसम्म ९७.९ प्रतिशत संक्रमित निको भएका छन् ।
बिहीबार एक संक्रमितको मृत्यु भएको छ । हालसम्म ११ हजार ६०२ संक्रमितका मृत्यु भएको छ ।
हाल देशभर ५ हजार ४३१ सक्रिय संक्रमित छन् ।
बढ्दै कोरोना
नेपालमा पछिल्लो केही दिनयता कोरोना संक्रमितको संख्या बढ्दै गएको छ । मन्त्रालयको तथ्यांकअनुसार पछिल्लो हप्ताको तुलनामा एक हप्तामा नेपालमा संक्रमणदर ०.९ प्रतिशतले बढेको छ ।
एक हप्तामा पीसीआर परीक्षणबाट देशभरबाट दुई हजार २३९ जना कोरोना संक्रमित थपिएको मन्त्रालयको तथ्यांकमा उल्लेख गरिएको छ । त्यस्तै एन्टिजेन परीक्षण गर्दा २०९ जना संक्रमित थपिएको मन्त्रालयको तथ्यांकामा उल्लेख गरेको छ ।
त्यस्तै एक हजार ८११ जना संक्रमित संक्रमणमुक्त भएका छन् भने मृत्यु हुने संक्रमितको संख्या १३ रहको छ ।
पछिल्लो एक हप्ताका कति थपिए संक्रमितः
शुक्रबारः २३५
शनिबारः ३८२
आइतबारः २१६
सोमबारः ३२६
मंगलबारः ३९३
बुधबारः ४३५
बिहीबारः ५४०
