विभिन्न विपरित दलहरु मिलेर बनेको जनता समाजवादी पार्ट नेपाल (जसपा) भित्र तिब्र असंतुष्टीहरु देखिएको छ ।
मुख्यतः केन्द्रिय कमिटि अध्यक्ष उपेन्द्र यादव तथा राष्ट्रिय परिषद अध्यक्ष डा.बाबुराम भट्टराईबिचको असन्तुष्टी सतहिमै पुगेको जसपा नेताहरुले बताएका छन् ।
संघीय सरकारमा उपेन्द्र यादवले एकलौटी रुपमा मन्त्री छनौट गरेपछी दुईनेताबिचमा दरार शुरु भएको हो ।
तत्कालिन अवस्थामा जसपाले पाएको ४ मन्त्री छान्न बनेको यादव, डा.भट्टराई तथा बरिष्ठ नेता अशोक राईको समितिले गरेको निर्णय गरेबमोजिमको मन्त्री नबनाई उपेन्द्रले एकलौटी रुपमा मन्त्री छानेपछी डा.भट्टराई असंतुष्ट भएका हुन् ।
उपेन्द्रको हरेक मञ्चमा देखिने डा.भट्टराई मन्त्रीमण्डल बिस्तारदेखि एक ठाउँमा बिरलै देखिन्छन् ।
पार्टीका बिभिन्न प्रशिक्षणहरुमा प्रमुख प्रशिक्षक रहने डा.भट्टराईलाई उपेन्द्रले समेत वास्ता गर्न छाडेको नेताहरुको आरोप छ ।
जसपा प्रदेश २ का उपाध्यक्ष शुशिल यादवले सार्वजनिक रुपमै पार्टी बिधान तथा व्यवस्थाको बिपरित चलिरहेको आरोप लगाएका छन् ।
शुशिलले प्रदेश २ मा पार्टी प्रशिक्षण कार्यक्रममा डा.भट्टराई नबोलाईएको भन्दै संघीयताको सिद्धान्तबाट पार्टी बिमुख भएको आरोप समेत लगाएका छन् ।
देशमा वैकल्पीक राजनितिक शक्ति स्थापना गर्न मधेशवादको मुल मन्त्रलाई बिर्सेर डा.भट्टराईको नयाँ शक्तिसंग एकिकरण गरेको २ वर्ष नबित्दै आफ्नो बर्चस्व गुम्ने डरले उपेन्द्र यादवले डा.भट्टराईलाई सिमित भुमिकामा राख्न खोजेको देखिन्छ ।
पटक–पटक एकलौटी निर्णका कारण पुराना सहयोगि गुमाउँदै आएका यादवले डा. भट्टराईलाई बढि जिम्मेवारी तथा प्रोत्साहन दिए नेताहरु उनकै पछि लाग्ने र आफु अल्पमतमा पर्ने डरका कारण उनलाई साईडमा राखेको जसपाकै नेताहरुले बताउने गरेका छन् ।
यता पार्टी बिभाजनका बेला मन्त्री पद पाउन महन्थ–राजेन्द्र समुह त्यागेर उपेन्द्रको साँथ दिएर कृषिमन्त्री बनेका महेन्द्रराय यादव र उपेन्द्रबिच समेत मनमुटाव शुरु भएको छ ।
सर्लाहीबाट प्रतिनिधित्व गर्ने मन्त्री यादवलाई लाईनमा ल्याउन पार्टी समायोजनको नाममा आफ्ना पक्षका कार्यकर्ताहरुलाई मात्रै नेतृत्व दिएका उपेन्द्रले अब महेन्द्रको मन्त्री पदमा समेत आँखा लगाएको खबर बाहिर आएको छ ।
कृषि मन्त्री रहेका महेन्द्रले संतोषजनक काम नगरेको कारण जनमत पार्टीले किसान आन्दोलन गरेको र सो आन्दोलनले आफ्नो आधार क्षेत्र खस्किने भएपछी उपेन्द्रले महेन्द्रलाई मन्त्री पदबाट राजिनामा दिन आग्रह गरेको समाचार अहिले चर्चामा छ ।
हुनत मन्त्री छान्दा आफ्नो नाम नपरेपछी पार्टीमा नबस्ने धम्की दिएका महेन्द्रलाई अन्तिम समयमा सांसद प्रमोद साहको ठाउँमा मन्त्री बनाएका उपेन्द्रलाई तिनै महेन्द्र अहिले घांडो बनेका छन् ।
आफु मन्त्री बन्न प्रदेश २ मा मन्त्री रहेका आफ्ना समर्थक रामनरेश रायको मन्त्री पद समेत खाने सम्झौता गरेका महेन्द्र अहिले डा.भट्टराई नजिक गएकाले पनी उपेन्द्र उनिसंग चिढिएको जसपा श्रोतले जनाएको छ ।
