प्रदेशसभामा माघ २ गते निर्वाचन प्रकृयाबाट तोकिने प्रदेश २ को स्थायी राजधानी आर्थिक नगरी विरगञ्जलाई नै बनाउन पर्सा जिल्लाका नेताहरुले माग गरेका छन् ।
प्रदेश २ को एक मात्रै महानगर तथा देशकै मुख्य आर्थिक नगरीको रुपमा रहेको विरगञ्जलाई नै राजधानी बनाउन नेताहरुले माग गरेका हुन् ।
प्रदेशसभामा प्रमुख प्रतिपक्षी रहेको लोकतान्त्रीक समाजवादी पार्टी (लोसपा) का नेता जितेन्द्र सोनललाई आज एक ज्ञापनपत्र बुझाउँदै नेताहरुले राजधानीको लागि विरगञ्ज बाहेक अन्य विकल्प नै नरहेको समेत बताएका छन् ।
मधेश आन्दोलनको बेला समेत पटक–पटक आन्दोलनको केन्द्रबिन्दु रहेको विरगञ्जलाई नै राजधानी बनाउने उदघोष गरेको स्मरण गराउँदै नेताहरुले त्यसकोअर्को विकल्प नखोज्न सचेत गराएका हुन् ।
नामको विषयमा भिन्नता रहेपनी स्थायी राजधानीको विषयमा प्रदेशसभामा रहेकना सबैजसो पार्टीहरुले जनकपुरलाई नै प्रस्ताव गरेपछी विरगञ्जका नेता तथा नागरिकहरु केही दिनदेखी आन्दोलित भईरहेका छन् ।
मधेशवादी दलहरुलेनै विरगञ्जलाई राजधानी नबनाएर जनकपुरको सपोर्ट गरेपछी उनिहरुले नेताको घरमै पुगेर सचेत गराएका हुन् ।
लोसपाका नेता समेत रहेका विरगञ्जका राजेशमान सिंहको नेतृत्वमा रहेका नेताहरुले विरगञ्जको धरतीमा राजधानीको घोषणा गरेका नेताले धोखा दिने षडयन्त्र गरिरहेको भन्दै सचेत गराएका हुन् ।
‘प्रदेशको राजधानी विरगञ्ज नै हुनुपर्छ’– एक नेताले भने ‘यो हाम्रो माग होईन, दावी हो ।’
विरगञ्जलाई राजधानी बनाउँदा कलकारखानालाई चाहिने जनशक्ति, औधोगिक कोरिडोर, शिक्ष, स्वास्थ्यको उपलब्धता, सुख्खा बन्दरगाह, मुख्य भन्सार, पर्यटकिय स्थल, होटल तथा अन्य सबै शुबिधा उपलब्ध हुने नेताहरुको दावी छ ।
सोनललाई ज्ञापन बुझाएका नेताहरुले अन्य राजनितिक दलका नेतालाई समेत ज्ञापनपत्र बुझाएर प्रदेशको राजधानी विरगञ्जलाई बनाउन दवाद दिने बताए ।
