कैलालीमा बालुवा बोकेको ट्याक्टरबाट ५५ थान सालको काठ बरामद गरिएको छ ।
जिल्ला प्रहरी कार्यालय कैलालीले जिल्लाको गोदावरी नगरपालिका-७ गौडीस्थित सडक खण्डमा पश्चिमबाट पूर्वतर्फ जाँदै गरेको से.१ त. ८८६७ नम्बरको बालुवा बोकेको ट्याक्टरबाट सो काठ बरामद गरेको हो ।
उक्त ट्याक्टरबाट ५५ थान सालको काठ (कडी) फेला पारी आवश्यक कारबाहीको लागि सब डिभिजन वन कार्यालय अत्तरिया पठाएको जिल्ला प्रहरी कार्यालय कैलालीले जनाएको छ ।चालक गोदावरी ७ तेकुल्लाका ३६ वर्षीय हर्क कुमाललाई प्रहरीले नियन्त्रणमा लिइएको छ।
