वैकल्पिक राजनितिका लागि दुई भिन्न ध्रुवबाट एक भएका डा.बाबुराम भट्टराई र उपेन्द्र यादवबिचको टकराव अझै बढ्ने देखिन्छ ।
जनता समाजवादी पार्टीको केन्द्रिय समितिका अध्यक्ष रहेका उपेन्द्र यादवले संघीय सरकारमा मनोमानी गरि मन्त्री पठाएपछी दुईनेताबिच शुरु भएको मनमुटाव अब सार्वजनिक रुपमै देखिन थालेको छ ।
आजमात्रै जसपाको संघीय परिषद अध्यक्ष रहेका पुर्व प्रधानमन्त्री डा.बाबुराम भट्टराईले नाम नलिकनै उपेन्द्र यादवको व्यक्तिवादी कृयाकलापप्रती कटाक्ष गरेका छन् ।
सामाजिक सञ्जालमा आफ्नो धारण व्यक्त गर्दै डा.भट्टराईले वैकल्पिक राजनीतिक शक्ति निर्माणका लागि व्यक्ति नभइ विचार र विधिमा बहस गर्नुपर्ने बताएका हुन् ।
डा.भट्टराईले नेपालमा अहिलेको सन्दर्भमा समावेशी र सहभागितामुलक लोकतन्त्र र समुन्नत समाजवाद सहितको अग्रगामी विचारमा बहस गर्नुपर्ने समेत बताएका छन् ।
उनले देशमा काँग्रेस, कम्युनिष्टहरुले लुट मचाईरहेको भनी समाजवादी विचारधाराबाट नागरिकको सेवा गर्न जसपाको निर्माण गरिएको भनिआएका छन् ।
अध्यक्ष उपेन्द्र यादवले एकलौटी निर्णय र तानासाही प्रवृती देखाएकै कारण उनका सबै पुर्वसहयोगिहरु टाँढा भईसकेको अवस्थामा हाँतेमालो गर्न सहयात्री भएका डा.भट्टराईको यस धारणाभित्र ठुलो रहस्य लुकेको राजनितिका जानकारहरु बताउँछन् ।
केहि दिनदेखी नेपाली मिडियाहरुमा उपेन्द्र र डा.बाबुरामबिचको टकरावबारे समाचारहरु आईरहेका छन् ।
तत्कालिन नेकपा माओवादीबाट अलग भएर नयाँ शक्ति पार्टी बनाएका डा.भट्टराईले उपेन्द्र यादवको जसपासंग एकिककरण गरेका थिए ।
जसपामा संघीय परिषद अध्यक्ष रहेका डा.भट्टराईलाई अगाडी सारे आफ्नो बर्चस्व घट्ने डरका कारण उपेन्द्रले उनलाई जिम्मेवारी बिहिन बनाएका हुन् ।
आफुलाई पार्टीको कार्यक्रम तथा प्रशिक्षणहरुबाट समेत अलग गरिएपछी डा.भट्टराईले पहिलो पटक मुख खोलेका हुन् ।
