जनता समाजवादी पार्टी नेपाल (जसपा) पर्सामा पुनर्गठन गरिएको नयाँ कार्यसमिति उपेन्द्र यादव पक्षले नमान्ने बताएको छ ।
पार्टीको विधान विपरित चलिआएको जिल्ला कार्यसमितिलाई दुईतिहाई बहुमत सदस्यले भंग गरी नयाँ कार्यसमिति गठन गरेपछी जसपाको मधेश प्रदेश समितिले नमान्ने बताएको हो ।
प्रदेश समितिका मुख्य सचिव दिनेश यादवले शनिवार एक विज्ञप्ती नारी गर्दै तत्कालिन संघीय समाजवादी र राजपाबिच एकिकरण पश्चात हालसम्म समायोजनको प्रकृया समाप्त नभएकोले पुरानै समिति मान्य भएको बताएका हुन् ।
यसअघी सांसद प्रदिप यादव समर्थित जिल्ला समितिका दुईतिहाई सदस्यहरुले माघ २ गते जिल्ला अध्यक्ष रामनरेश यादवको पद खारेज गर्ने निर्णय गर्दै प्रदेशसभा सदस्य अब्दुल रहिम अन्सारी (मन्जुर अन्सरी) लाई जिल्ला समन्वय तदर्थ कार्यसमितिको अध्यक्ष चयन गरेका थिए ।
जिल्ला समितिका ८८ मध्ये ६२ जना सदस्यहरुले संयुक्त रुपमा बैठक बस्दै अध्यक्ष रामनरेश यादव पार्टीको बिधान विपरित ३ वर्ष अध्यक्ष भएको र पार्टीको सिद्धान्त विपरित कार्य गरेको भन्दै बर्खास्त गरेका थिए ।
जिल्ला तदर्थ समितिको कार्यकाल पहिलो पटकका लागि ६ महिना र अन्तीम पटक एक वर्ष नबढ्नेगरी हुनसक्ने पार्टीको विधानमा रहेकोले सोहि अनुसार नयाँ तदर्थ समिति गठन गरिएको उनिहरुको तर्क छ ।
अध्यक्ष चुनिएका प्रदेश सांसद समेत रहेका अब्दुल रहिम अन्सारीले पार्टिको विधानको परिच्छेद १० को धारा ५८ को उपधारा १ अनुसार उक्त निर्णय गरिएको बताएका छन् ।
अब्दुल रहिम अन्सारीको अध्यक्षतामा गठन गरिएको तदर्थ समितिले २ सय १ सदसिय पर्सा जिल्ला कार्यसमिति विस्तार समेत गरिसकेको छ ।
