जनता समाजवादी पार्टी नेपाल (जसपा) पर्साको नयाँ कार्यसमितिको विषयमा पार्टीको प्रदेश समिति नै विभाजित भएको छ ।
केन्द्रिय अध्यक्ष उपेन्द्र यादव पक्षधरका रामनरेश यादव ३ वर्षदेखी पार्टिको बिधान विपरित तदर्थ समितिको अध्यक्ष बनिआएको भन्दै सांसद प्रदिप यादव समुहले उनलाई बर्खास्त गरेपछी सो मुद्दा मधेश प्रदेश समितिमा गएको हो ।
माघ २ गते जिल्ला अध्यक्ष रामनरेश यादवलाई बर्खास्त गर्ने निर्णय गर्दै प्रदेशसभा सदस्य अब्दुल रहिम अन्सारी (मन्जुर अन्सरी) लाई जिल्ला समन्वय तदर्थ कार्यसमितिको अध्यक्ष चयन गरेका थिए ।
शनिवार मधेश प्रदेश समितिका मुख्य सचिव दिनेश यादवले एक प्रेस विज्ञप्ती जारी गर्दै पर्साको अध्यक्षमा रामनरेश यादव नै रहेको जानकारी जानकारी गराएका थिए ।
यता आज मधेश प्रदेश समितिका उपाध्यक्ष शुशिल यादवले एक प्रेस विज्ञप्ती जारी गर्दै मुख्य सचिवद्धारा जारी गरिएको प्रेस विज्ञप्तीको औचित्य नभएको जानकारी दिएका छन् ।
उपाध्यक्ष यादवले प्रदेश समितिको बैठक नै नबसेको अवस्थामा बैठक बसेको भनि आधारहिन कुरा पार्टीको लेटर प्याडमा प्रयोग गरिएको आरोप समेत लगाए ।
पर्सा जिल्लाका दुईतिहाई सदस्यले विधानसम्वत नयाँ कार्यसमिति गठन गरेको बताउँदै उपाध्यक्ष यादवले त्यसको बैधानिकता भएन नभएको केन्द्रिय समितिले नै निर्णय गर्ने बताएका हुन् ।
पार्टीकोे प्रदेश समितिको बैठक नै नबसेको खण्डमा निर्णय गरेको भनी विज्ञप्ती जारी गरिनु खेदजनक भएको समेत उपाध्यक्ष यादवले जनाएका छन् ।
जसपा संघीय परिषद अध्यक्ष डा.बाबुराम भट्टराई पक्षका नेता रहेका उपाध्यक्ष यादवको यस विज्ञप्तीले जसपाको मधेश प्रदेशमा देखिएको विवाद छताछुल्ल भएको छ ।
यसअघी प्रदेश समितिले आयोजना गरेको प्रशिक्षण कार्यक्रममा डा.भट्टराईलाई नबोलाईएपछी उपाध्यक्ष यादवले सावैजनिक रुपमै असहमती जाहेर गरेका थिए ।
