कर्मचारीमा कोरोना देखिएपछि ललितपुर महानगरपालिकाले माघ १० गते सोमबारदेखि त्यावश्यकबाहेका सबै सेवा बन्द गर्ने भएको छ ।
महानगरले आइतबार एक विज्ञप्ति जारी गर्दै कोभिड १९को नयाँ भेरियन्ट ओमिक्रोनबाट संक्रमित भई महानगरका कर्मचारीहरु उपचार एवंम होम आइसोलेसनमा रहेकाले महानगरले अत्यावश्यकबाहेकका सबै सेवा बन्द गर्न लागेको जनाएको छ ।
प्रमुख प्रशासकीय अधिकृत गणेश अर्यालले ओमिक्रोनका कारण प्रायजसो जनप्रतिनिधि र कर्मचारीहरु संक्रमित भएकाले कार्यालयमा नियमित सेवा सञ्चालन गर्न नसकेको बताए ।
उनका अनुसार अत्यावश्यक बाहेकका सबै सेवाहरु बन्द हुने छन् । अत्यावश्यक सेवाअन्तर्गत स्वास्थ्य सेवा, दमकल, शववाहन, एम्बुलेन्स, सरसफाई , नगरप्रहरी रहेका छन् ।
