भारतमा कोभिड-१९ को नयाँ भेरियन्ट ओमिक्रोन समुदायस्तर मै फैलिएको पाइएको छ ।
इन्डियन-सार्स-कोव-२-जीनोम-कन्सोर्नियमका अनुसार भारतमा कोभिड-१९ को नयाँ भेरियन्ट ओमिक्रोन समुदायस्तर मै फैलिएको हो । यसले कोरोना सङ्क्रमितको सङ्ख्या बढेर अस्पताल भर्ना हुने दर पनि बढिरहेको जिनोम कन्सोर्नियमले जनाएको छ ।
पछिल्लो समय विरामीलाई आइसीयू बेड पनि चाहिन थालेको छ । ओमिक्रोन सङ्क्रमण भएका धेरैमा हल्का र लक्षण नै नभएका पनि छन् । ओमिक्रोनको खतरामा कुनै पनि परिवर्तन नभएको भन्दै ओमिक्रोन केही महानगरमा तीब्रगतिमा फैलिरहेको जीनोम कन्सोर्नियमले जनाएको छ ।
जब कोही सङ्क्रमितलाई कहाँबाट रोग सरेको हो भन्ने बारेमा थाहा हुँदैन त्यतिबेला रोग समुदायस्तरमा फैलिएको मानिन्छ । यसको मतलव कोरोना भाइरस गाउँ, बस्ती र शहरमा समुदायस्तरमा छ । यस्तोमा सङ्क्रमणको लहर चुडाउन मुस्किल पर्छ र सङ्क्रमण तीब्रगतिमा फैलन्छ । समुदायस्तरमा फैलिनुको मतलव भाइरसले जो कोहीलाई सङ्क्रमण गराउन सक्छ।
अहिलेसम्म भारतमा ३ करोड ९५ लाखमा कोरोना पुष्टि हुँदा ३ करोड ६७ लाख निको भएका छन् । ४ लाख ८९ हजारको भने मृत्यु भएको छ । अझै पनि २२ लाख ५९ हजार सक्रिय सङ्क्रमित रहेको भारतमा ८ हजार ९ सय जटिल अवस्थामा रहेका र बाँकीको अवस्था सामान्य रहेको पाइएका छन् ।
