विवादै बिवादमा पिरोलिएको जनता समाजवादी पार्टी नेपाल (जसपा) संघीय परिषद अध्यक्ष डा.बाबुराम भट्टराईले पार्टीको नेतृत्व लिन अघि बढेका छन् ।
विभिन्न पार्टीहरु मिली वैकल्पिक राजनिति गर्न एक भएका जसपा नेताहरुबिच विधमान चरम विवादकाबिच डा.भट्टराईले पार्टी कब्जा गर्ने उद्देश्यका साँथ अगाडी बढेको हाम्रो श्रोतले जनाएको छ ।
अध्यक्ष उपेन्द्र यादवको निरंकुश कार्यशैली र एकलौटी निर्णय गर्ने परिपाटीका कारण आजित भएका नेताहरुलाई सांथमा लिएर डा.भट्टराईले पार्टी ‘टेक–ओभर’ गर्नलागेको श्रोतले बताएको हो ।
तत्कालिन राजपासंग मिलेर बनेको पार्टीबाट महन्थ ठाकुर समुहलाई अलग्याउन ठुलो भुमिका खेलेका डा.भट्टराईले उपेन्द्रकै मान्छेहरुलाई विश्वासमा लिएर पार्टीको कार्यकारी अध्यक्ष बन्न रणनिति समेत तय गरिसकेको जसपाकै नेताहरुले बताएका छन् ।
महन्थ–राजेन्द्र समुह सहितको जसपामा विभाजनअघि ५१ कार्यकारिणी सदस्य रहेका थिए । हाल २६ जना सदस्य रहेको जसपामा उपेन्द्र पक्षधर ६ जना मात्र रहेको जानकारी प्राप्त भएको छ ।
२६ मध्ये २० कार्यकारिणी सदस्यहरुको सहयोगमा डा.भट्टराई विधिवत रुपमै पार्टी आफ्नो कब्जामा लिने रणनितिका सांथ अगाडी बढिसकेका छन् ।
राष्ट्रियसभा निर्वाचनपछी भट्टराईले बैधानिक प्रकृयाबाटै पार्टीको कार्यकारिणि अध्यक्ष बन्ने दाउँमा रहेको बुझिएको छ ।
भट्टराईलाई बरिष्ठ नेता अशोक राई र उनका पक्षधरका नेताका सांथै महेन्द्र यादवदेखी महन्थ–राजेन्द्र खेमाबाट मन्त्री बन्न उपेन्द्र खेमामा लागेर मन्त्री बन्न नपाएका नेताहरुको समेत साँथ रहेको हाम्रो श्रोतले जनाएको छ ।
श्रोतका अनुसार २६ कार्यकारिणि सदस्यमध्ये अध्यक्ष उपेन्द्रसंग, रेणु यादव, रामसहाय प्रसाद यादव, लालबाबु राउत गद्दी, बिजय कुमार यादव र प्रकाश अधिकारी मात्रै छन् ।
डा.भट्टराई पक्षमा भने अशोक राई, राजेन्द्र श्रेष्ठ, महेन्द्र राय यादव, रामनरेश राय, राजकिशोर यादव लगायतका कार्यकारिणि सदस्यहरु रहेका छन् ।
संघीय सरकरमा मन्त्री पठाउने बेलादेखी शुरु भएको उपेन्द्र–बाबुराम विवादले अहिले स्थानिय निकायको चुनावको विषयमा झन बिग्रेको हो । बाबुराम पक्षका नेताले बैशाखमै स्थानिय निकायको निर्वाचन गर्ने पक्षमा छन भने सत्तारुढ ५ दलिय गठबन्धनको बैठकमा उपेन्द्रले असोजमा चुनाव गर्न सहमति जनाईसकेका छन् ।
निर्वाचनको मितिलाई नै मुद्दा बनाएर भट्टराई समुहले कार्यकारिणि समितिको बैठक बोलाएर विधिवत रुपमा उपेन्द्रबाट पार्टी ‘टेक–ओभर’ गर्ने रणनिति बनाएको बुझिएको छ ।
यसअघी दुई अध्यक्षीय प्रणालिमा चलेको जसपाबाट महन्थ थाकुर अलग भएपछी उनको ठाउँमा आफुलाई अध्यक्ष बनाउन डा.भट्टराईको माग उपेन्द्रले सहर्षै अस्विकार गरेका छन् ।
केन्द्रमा नेताहरुबिच विवाद रहेकै बेला मधेश प्रदेश समिति र जिल्लाहरुमा समेत दुई खेमा देखिएको छ ।
उपेन्द्र खेमाका पर्सा जिल्ला अध्यक्ष रामनरेश यादवलाई बर्खास्त गरेर मंजुर अंसारीलाई नयाँ अध्यक्ष बनाईएको विषयमा डा.भट्टराई पक्षका प्रदेश उपाध्यक्ष शुशिल यादव उपेन्द्र पक्षका प्रदेश अध्यक्ष तथा अन्य पदाधिकारीहरुबिच बिज्ञप्ती वार समेत चलेको छ ।
